Անհերքելի փաստ է, որ երիտասարդությունը յուրաքանչյուր երկրի ռազմավարական ամենահզոր ռեսուրսն է: Երկրի ապագան պայմանավորված է երիտասարդությամբ, և հատկապես նրանց առաջ քաշած նպատակներով: Հենց երիտասարդությանն է պատկանում երկրի կայուն զարգացման հարցում արդիական մտածողության դերը:
Սերը, բարին, ճշմարիտը, գեղեցիկը, ազատությունը, արժանապատվությունը մնում են առանցքային այն արժեքները, որոնք գեղագիտության հիմնարար հենքն են: Թերլեմեզյանի քոլեջը արժեքների և գեղագիտության ընդհանրական տարածք է, որտեղ մեր ուսանողներին տրվում է հնարավորություն հասնելու իրենց նպատականերին, իրացնելու իրենց տաղանդը, անսպառ էներգիան, ստեղծագործական մտածողությունը: Չափաձողը, որ սահմանված է քոլեջի գունագեղ աշխարհում, հավակնոտ բարձր է: Արդյունքում ունենում ենք սերունդ, որը կենսունակ է, սակայն նաև իր խենթ մտածողությամբ մեզ է մատուցում նոր ժամանակների ողջ հմայքը:
